Secure Sockets Layers or SSL ek standard security protocol hai, jo ek encrypted link establish karta hai client aur server ke bich me. Basically ye link ensure karta hai ki jo bhi data client (browser) aur web server ke bich transmit ho rha ho woh plain text ki jagah encrypted form yani ciphertext me convert hokar fir transmit ho.

What Do You Mean By SSL (Secure Sockets Layer) and its certificates

SSL (Secure Sockets Layer) Certificates kya hote hai 

SSL ko website pe enable karne ke liye hume SSL certificates (ek tarah ka digital certificate) ko web server pe install karna hota hai. In certificates ke andar kuch details hoti hai jaise-  aapka domain name, aapki company ka name, address, city , country aur certificate ki expiry date bhi hoti hai.

Jab hum browser pe koi secure site ko kholte hai to browser sabse phele site ke SSL certificate ko check karta hai ki ye expire to nhi hai aur saath hi saath ye bhi check karta hai in certificate pe trust kiya ja sakta hai ki nhi.

Aur yadi browser ko kahi bhi koi dikkat lagti hai in details ko check karne me to woh ek warning display karega ki ye site SSL protected nhi hai.

Aur hame koshish karni chahiye ki apni confidential information ko aisi website pe nhi enter karna chahiye jo  SSL secure na ho.

SSL certificates ko kyu use karte hai

Jo bhi confidential information jaise credit card number, kisi account ki login details etc woh securely transmit ho isliye hum SSL ka use karte hai.

Maan lijiye ki aap credit card se online koi transaction kar rahe hai aur dhyan dijiye jo bhi details hum dal rhe hote hai woh ek tarika ka text hota hai jaise – card number, password sab text hai. Aur yadi ye text bina encrypt hoke transmit hua to ho sakta hai ki koi in details ko hack karle.

Isliye SSL certificates ka use hum karte hai apne data ko secure karne ke liye aur yadi kisi tarike se koi is data ko hack bhi karle to bhi ise decrypt karna impossible hota hai.

SSL certificates kitne types ke hote hai aur inhe kaise le sakte hai

SSL certificates bahut types ke hote hai lekin saare ek jaise nhi hote hai. For example –

  • Single Domain – Ek domain name ya subdomain ko secure karne ke liye.
  • Multi Domain – Multiple domain name ya sub domain ko secure karne ke liye.
  • WildCard – Ek domain name aur unlimited subdomain ko secure karene ke liye.

Kya hum khud hi certificate ko free me web server par install kar sakte hai?…….. Nhi kar sakte hai.

Lagbhag sabhi web hosting aur domain registar companies ye certificates sell karti hai. Sabke pricing plans, features ek dusre se alag hote hai, isliye yadi aap ye certificates karidne ki soch rhe hai to phele ache se research kar le.

Final Words

Website pe SSL enabled hone ke do faide hai, phela to aapki website secure ho jayegi aur dusra ye ki SEO ke hisab se bhi ye acha hota hai kyuki search engine prefer karte hai secure site over a normal site.

Yadi aapki website pe confidential information share na bhi hoti ho, to bhi website ranking ko acha karne ke liye aapko ye SSL certificate karidne chahiye, ye faidemand hi hoga.

So, mai umeed karta hun ki aapko ye article pasand aaya hoga aur yadi aapke mann me koi sawaal hai to please comment karke puche. 🙂

2 COMMENTS

  1. Now days ssl security become much more important for google ranking as well as users attraction. In this post you provided really great information about ssl. Thanks and keep it up bro…..!

LEAVE A REPLY

Please enter your comment!
Please enter your name here